Ozordi le 15 Out, avek Lavyerz Marie, nou anvi dir Magnificat, le Seigneur fer pour nou des merveilles. Ozordi Lasonpsyon, kekfwa en mo en pe abstre, me se en realite byen konkret. La-sonpsyon i fer nou rapel ki Marie, sa zenn fiy, Marie ki fin port Laparol de Dieu dan son vant, dan son l‟utérus, pandan 9 mwan, ki‟n donn nesans a Zezi. Lasonpsyon i dir nou ki sa enn ki‟n port Laparol, est maintenant portée par la Parole dans l‟éternité de Dieu. Marie, ki‟n port Zezi dan son vant, Marie ki‟n donn bwar Zezi, Marie ki‟n swanny Zezi, Marie ki fin port Parol Bondye, prezan avek Lasonpsyon, avek Parol Bondye, Zezi, i anmenn Marie dan l‟éternité de Dieu.
Nou‟n tann sa dan Lapokalips. Lapokalips i dir ki sa zenn fiy ki ti ansent in donn nesans Sover lemonn. E atraver Parabol dragon, dragon ki senboliz lafors lemal e lanmor, nou trouve ko-man Zezi i vin venker dragon, venker lanmor. Premye pou benefisye sa laviktwar se son Man-man. Son Manman, avek son lekor, savedir son laser, son nanm, son konsyans, son lentelizans, son bann relasyon avek tou son “personne”, Lavyerz Marie i viv dan leternite lesyel, dan leternite Bondye.
E sa i fer nou konpran en keksoz tre enportan. Dan en perspektiv biblik, nou lekor i pa en lanvlop nou lanm, e kan lanmor, lanm i ale, nou pa pran lanvlop met dan bin. Non, dan vizyon biblik, en imen se en lekor, savedir en laser, en lespri, en konsyans, en relasyon, e se tou “la personne” Lavyerz Marie ki ganny apele e larezireksyon, a partisip avek Zezi dan laglwar Bondye, avek son lekor ek son lanm. Se “toute ma personne‟ ki ganny apel a larezireksyon. E se pourkwa sa bomaten Lavyerz Marie i dir nou Magnificat akoz i en gran siny lesperans. Se osi, vokasyon sakenn ant nou, se nou lapel avek nou lekor, laser, nou lespri e nou lanm, nou konsyans nou ganny apele pou viv dan leternite Bondye, avek Bondye. Se sa dinite imen, kan en imen i mor, i pa parey en zannimo, i fini. Kan en imen i mor, avek son laser, son lespri, transfigire par Zezi, i ganny apele pou viv dan leternite Bondye e sa i montre nou valer sak imen.
Se pour sa ki Sen Paul i dir nou: “Ne savez vous pas que vos corps sont les membres du Christ.” Nou lekor se pa senpleman lavyann. Nou lekor, sakenn de nou e ansanm manm lekor Kris. Sen Paul i dir ankor, “Ne savez-vous pas que vous êtes le Temple de Dieu. Nous sommes le sanctuaire de Dieu, le Temple de Dieu et l’Esprit de Dieu habite en nous.” Sakenn de nou, nou parey en tabernak, (dan legliz i an-nan tabernak, non, dan tabernak i annan pre-zans vivan Zezi), Sen Paul i dir nou, nou tou nou ganny apele pou vin tabernak vivan pou permet Zezi viv dan nou. “Ne savez-vous pas,” dit Saint Paul, “que vous êtes le Temple de Dieu et que l’Esprit de Dieu habite en nous.” Le sanctuaire de Dieu est saint. Ce sanctuaire c‟est toi, c‟est moi, c‟est chacun d‟entre nous. Nou bann tabernak, nou ganny apele pou vin bann tabernak prezans Zezi dan nou.
Saint Paul i donn nou en lavertisman. Saint Paul i dir nou, fer zot atansyon, pa detri sa sangtyer, pa abim sa lekor, pa abim sa taber-nak akoz se prezans Zezi avek nou.
Frer e ser, si nou lekor i sangtyer Bondye, si nou lekor i ganny apele pou vin en tabernak ki abit prezans Zezi, si nou lekor, „toute notre per-sonne‟ i ganny apele pou viv dan leternite Bon-dye, alor sa i rapel nou en devwar. Nou bezwen pran swen avek nou prop lekor, e nou bezwen pran swen avek lekor nou prosen, akoz nou lekor e “notre personne” i sangtyer Bondye.
Alor mon ti a kontan donn detrwa legzanp ko-man i enportan pou pran swen avek nou lekor, pran swen avek lekor lezot, parske se nou lekor ki ganny apele parey Marie, nou lekor transfigire pou viv dan leternite Bondye. Nou lavi pa fini lo later. Nou „de passage‟ lo later. Nou parey bann pelren lo later. Nou „de passage‟ me nou pa pe fini dan vid. Nou fini dan leternite Bondye me pa zis nou lanm, nou lekor , nou lanm, nou santi-man, nou konsyans, tou sa ki nou‟n viv i ganny apele pou transfigire pou viv an Kris.
Alor, frer ek ser, ki mannyer nou kapab pran swen avek nou lekor?
En premye pwen, mon panse ki pou pran swen nou lekor i enportan ki sak imen, sak Digwa, sak Seselwa, sak imen lo later i ganny en saler zis. E se sa lenportans lazistis sosyal. La-zistis sosyal i bezwen o sant nou preokipasyon. Parski kan en dimoun in ganny en saler zis, i pa pou bezwen tay deryer overtime toultan, tay deryer de trwa travay pou kapab nouri son fan-miy e i pou ganny plis letan pou viv avek son fanmiy, edik son bann zanfan. Donk, pran swen avek nou lekor se veye ki sak imen I ganny en saler zis, veye ki i ganny lazistis sosyal pou per-met sak imen edik son zanfan e fer grandi son fanmiy. Me an menm tan i apel nou osi a en „sobriété‟. Nou pe viv dan lemonn kot i annan kriz ekolozik e nou bezwen veye ki i annan en devlopman dirab, e La Digue ankor plis parski nou‟n ganny en bote ekolozik ki Bondye in konfye nou. E nou bezwen veye ki La Digue i ganny en devlopman dirab. E se pourkwa i sakenn de nou, isi La Digue me osi Praslin, Ma-hé, dan lemonn nou bezwen viv „sobrement‟. „Sobrement‟ savedir ki sak fanmiy i bezwen ganny en saler zis, i ganny lazistis sosyal , me sak fanmiy osi i bezwen responsab dan son konsomasyon. „Vivre sobrement.‟ E mon trouve, mon pou koz fran avek zot, ki parfwa i pa nor-mal ki par egzanp en zanfan 12, 13 an i ganny en Smartphone ziska 12 a 13 mil roupi. Se pa normal ki parfwa en zanfan pou al lekol i bez-wen ganny pocket money , en zenn ziska 100, 200 roupi. I annan dimoun ki zanfan i ganny biye 500 roupi pou al lekol. I pa normal. Nou pa pe rann servis sa zanfan. Nou bezwen pran swen avek nou lekor. Lazistis sosyal e re-sponsabilite sosyal.
Nou bezwen osi pran swen avek nou lekor an respektan lekor nou prosen. En lekor se pa en marsandiz. En lekor se pa en „tissue‟ en Kleen-ex, servi zete. En lekor se pa en mask ki nou zete. En lekor se en dimoun dan son dinite. E nou bezwen respekte lekor nou prosen. E mon ti ava kontan donn 2 legzanp :
Nou pa ganny drwa ganny larzan, vin trafikan lanmor an trafikan drog. Pour en par, bann droge se bann viktim. Me sa ki pa akseptab se dimoun ki fer larzan lo drog. Zot pe senm lanmor. Zot pe tenn sangtyer Bondye e se en pese mortel. Nou pa ganny drwa osi abim sang-tyer lekor par bann labi seksyel. E se pour sa ki detrwa mwan pase mon‟n siny en protocol pou lit kont bann labi seksyel, e komanse dabor par klerze, bann responsab Legliz, bann pret, bann dyak. Kan nou abiz en miner se tou son lavi ki afekte par sa. Nou pe detri tanp Bondye. Lavyerz Marie avek son lekor dan lesyel e nou osi avek nou lekor, nou laser, nou santiman, nou lanm, nou konsyans, ‟toute notre personne‟ nou ganny apele pou swiv Marie par le Kris dan leternite Bondye.
Anfen en trwazyenm legzanp ki mon pou don-nen se mannyer nou anmize. Alor mon konnen ki dan La Digue, pandan 15 Out se en festival. Bokou dimoun i anmize, riye e se en bon keksoz. Bondye i kontan lafet. E menm Zezi ti al maryaz Cana. Nou pa bezwen onte pou dir nou kontan lafet. Me i annan en mannyer anmize ki valorizan. I annan en mannyer anmize ki deval-orize. Par egzanp kan nou gourman lalkol nou perdi kontrol. Sa pa korek. I pa diny en sangtyer Bondye. E osi en lot mannyer anmize se kan nou manipil en dimoun, profit lekor en dimoun pour en pti moman. Sa osi nou pe detri tanp Bondye. Alor, frer e ser, annou anmize, annou anmize „sainement‟ annou ekout lanmizik, an-nou danse, me an menm tan annou pran kont ki i annan bann limit, i annan bann reper pou an-mize „sainement‟.
Frer e ser, lafwa pa mazik. Bondye pe propoz nou en semen. Se avek tou nou liberte ki nou ganny apele pou dir wi Senyer, parey Lavyerz Marie ti dir wi Senyer. I pann oblize. Bondye in propoz li pou vin manman Senyer e Lavyerz Marie in dir „OUI, que ta volonté soit faite‟. FIAT. E se pour sa ki nou dir Marie i manman bann krwayan. Frer e ser, nou pe viv par lapel Lepap François letan sinod. E mon ti ava kon-tan felisit bann Digwa. Bann Digwa se enn bann parwas dan Dyosez Port-Victoria ki‟n pli partisipe , in aport plis zot kontribisyon dan si-nod. E mon ti a kontan nou tap en lanmen pour bann Digwa. Alor, mon remersye zot, bann Digwa, zot in vreman partisipe e donn zot lopinyon lo ki semen nou‟n fer e nou remersye nou bann gran dimoun dan lafwa ki‟n fer nou ariv ziska la.
Nou’n gete osi ki konversyon nou bezwen fer e koman nou bezwen al an avan, bann rev pour ki ozordi Bonn Nouvel i ganny anonse, parski nou nou kwar ki et lib se swiv Zezi, et imen se swiv Zezi. Nou kwar ki nou lekor e lekor nou prosen se en sangtyer kot Ze-zi i anvi vin reste. E se sa „tout l‟enjeu de l‟As-somption‟. A legzanp Lavyerz Marie annou akey Parol Bondye, Zezi pour ki nou osi an swivan legzanp Lavyerz Marie nou kapab anmenn Pa-rolBondye e ensi nou permet Parol Bondye an-menn nou e kondir nou ver leternite Bondye.
Amenn.