LASOURS EK MISYON LEGLIZ

13/03/2025

Avek Lespri Sen, sakenn e an kominote, annou vin
temwen Zezi, Lanvwaye Bondye Papa pour sov limanite.

Lentrodiksyon

  1. Bondye Papa I’n toultan e dan diferan fason vin pli pre avek limanite, spesyalman atraver listwar e temwanyaz en pep – Izrael – ki ti ganny libere dan lesklavaz Lezip ek bann pro
    • a. ‘Sa proximite Bondye avek limanite in anmenn linite.’ Laparol (Zezi) ‘par ki tou keksoz ti ganny fer, napa nanryen dan kreasyon ki’n ganny fer san Li,’ (Zan 1 verse 3) ti vin laser. Ensi, Bondye limenm ti pran kondisyon imen.’
    • b. Sen Pol, dan son let pour bann Kolosyen, sapit 1 verse 15-16, i deklare :
      ‘Kris (Garson byeneme) i zimaz vizib Bondye ki envizib. I lene dan kreasyon antye. Annefe, par Li, Bondye in kree tou sa ki egziste dan lesyel e lo later.’

 

  1. Zezi I misyonner Bondye Papa par ekselans
    1. a. Zezi I revel nou (I fer nou vwar, konnen e kontan) lekel Bondye Papa, In dir nou dan Levanzil Zan: ‘Sa enn ki’n war mwan in osi war mon Papa.’ (Zan 14, verse 9). Ensi:
  •  Fason ki Zezi I ansennyen i menm fason ki Bondye Papa I ansennyen.
  • Fason ki Zezi I azir e reazir i menm fason ki Bondye Papa I azir e reazir.
  • Fason ki Zezi I regard nou se menm fason ki Bondye Papa I regard nou.
  • Fason ki Zezi I kontan e pardonn nou se menm fason ki Bondye I kontan e pardonn nou.
  1. b. Zezi I revel osi (I fer nou vwar, konnen e kontan) ki I en imen, Li ki Pilat ti dir dan levanzil Zan: ‘La I la, sa zonm,! (Zan 19 verse 5)

    Ensi, par son lansennyman ek son fason viv, nou dekouver Zezi, sa vre zonm, en zonm totalman a zimaz Bondye. ‘La i la, sa zonm.’ Se pour sa rezon ki bann kretyen, dan Kredo, zot proklanmen ki Zezi i vreman Bondye e vreman zonm. Zezi i pa lanmwatye Bondye e lanmwatye zonm ! Non, Zezi i garson eternel Bondye ki fer li plennman en zonm e pran tou natir imen eksepte pese. Pese i defigir limanite. Ler nou regard e ekout Zezi, nou dekouver fason pli vre pou viv nou limanite.

  1. 2. c. Par Zezi, dan pwisans Lespri Sen, Bondye Papa i liber limanite avek tou sa ki ansenn li menm lanmo Sa se Bonn Nouvel – levanzil – Rwayonm ki Zezi in anmenm dan listwar limanite par son lavi antye, son lanmour ek son larezireksyon. Zezi i dir nou : “Letan fikse in arive ; Rwayonm Bondye i pros. Sanz zot lavi e krwar dan sa Bonn Nouvel.” (Mark 1 verse 15).

 

  1. Bondye Papa i envit nou pou kolabor e partisip a misyon Zezi, setadir larive Renny Bondye.
    3. a. Pou fer sa, Bondye Papa, par pwisans Lespri Sen, i rasanble nou otour Zezi pou fer Eklezya – Legli Lespri Sen par ki Legliz ti komanse zour Lapannkot i menm Lespri ki sa lasev ki relye nou an permanans avek Zezi parey brans avek pye rezen (Zan 15 verse 5). Bann batize ki zot rasin i Zezi i ‘en pep pret, profet e lerwa.’

    3. b. Legliz, kominote bann batize, i ganny apele par lagras, san ki nou merite, pou vin temwen Zezi, Lalimyer lemonn. Parey lalin ki pa sours lalimyer me ki reflekte lalinyer soley, bann kretyen ki bann peser, nou vokasyon se pou reflekte lalimyer Zezi Resisite par vin bann travayer pour Rwayonm Bondy

 

  1. Disernen, konverti, fer bann swa ; En semen sinodal pou viv pli byen sa misyon ki Senyer in konfye nou :
    4. a. Se pour sa rezon ki, depi 2021, lepap François in envit nou pour en gran lamars ansanm (sinod – sun odos) pou vwar semen ki’n deza ganny traverse dan misyon ki Bondye i konfye nou koman Legliz, me osi pou vwar ansanm – laik, relizye/relizyez, minis ordonnen – lakonversyon ki nou devre viv, direksyon pour nou pran pou vin pli fidel a sa misyon ki in konfye nou, pep bann bati

    4. b. Pandan sa trwa lannen, lokalman me osi onivo Legliz iniversel (katolik) nou’n pran en long letan pou disernen : ler nou’n ekout kanmarad, nou’n ekout realite lemonn ek Sesel : nou lazwa, nou lapenn, nou rev ; ler nou atantif a nou realite, nou’n osi ekout lapel Senyer par lapriyer, meditasyon Parol Bondye, lektir bann sinny letan, lansennyman Legliz (dokiman sinod atraver let pastoral 2024 – bann teks Konsil Vatikan 2).

    4. c. Alafen sa disernman, lasanble Pastoral, ki’n les li ganny enspire par Lespri Sen, avek led biro sinod dyosezen, in etabli en plan misyoner pour sa prosen 5 an. Sa plan i annan 6 priorite e pour sak priorite i annan bann lobzektif ek bann mwayen (fason fer).

    4. d.  Mon envit sak parwas, mouvman ek servis pou adopte li e met li anmars, an prenan kont, byensir, realite ek bezwen sak parwas, mouvman ek servis osi byen ki nou lavi personnel. Parey Lavyerz Mari ti dir avek bann serviter kot maryaz Kana, i dir nou osi alafen sa 3 an disernman : « fer tou sa ki i ava dir zot.» (Zan 2 verse 5).

 

  1. Bann desizyon, fri disernman Legliz ki isi Sesel :

    Prezan mon annan lazwa pour kominik avek zot fri nou disernman an komen e sa kin ganny vote par bann manm Lasanble Pastoral. I rezilta ‘Sensus fidei’ Legliz isi Sesel.

    (Teks Sinod. 6 Priyorite: lobzektif ek mwayen)

    Konklizyon:

    Nou komans sa nouvo letap nou listwar misyonner pandan sa lannen sent 2025. Nou apiy lo fidelite mizerikordye Bondye nou Papa ki manifeste li dan Zezi ki touzour prezan e aktif par Lespri Sen, annou vin sa pelren Lesperans ler nou temwanny nou lafwa dan Zezi e partisip aktivman dan misyon Zezi Resisite pou prepar larive Rwayonm Bondye, en Rwayonm lazistis, lape ek fraternite, en Rwayonm eternel.

    + Alain Harel

    17 février 2025